Kanë filluar punimet në rregullimin e oborrit të shkollës në Lladrovc

05/05/2020 Institucionet

Në kuadër të rregullimit të infrastrukturës shkollore dhe infrastrukturës përcjellëse, këto ditë kanë filluar punimet në rregullimin e ambienti të jashtëm, përkatësisht të oborrit të shkollës “Afrim Buçaj” në fshatin Lladrovc të Komunës së Malishevës. Punimet në rregullimin e oborrit të shkollës, i ka parë nga afër edhe nënkryetari i Komunës së Malishevës, Hajdin Berisha, i cili është njoftuar me punimet që janë duke u zhvilluar në këtë shkollë. “Ndonëse jemi duke kaluar në situatë pandemie, dhe duhet ta menaxhojmë këtë situatë, edhe realizimi i projekteve e ka vendin e vet dhe është një domosdoshmëri, prandaj edhe kemi filluar me realizimin e disa projekteve përfshi edhe rregullimin e oborrit të shkollës “Afrim Buçaj” në Lladrovc, me qëllim të krijimit të një ambienti sa më të përshtatshëm për nxënësit e kësaj shkolle, të cilët së shpejti pritet të hyjnë edhe në objektin e ri të shkollës së tyre”, tha nënkryetari Berisha.

Kontrolloni gjithashtu

Bashkim Ramosaj: Në 25-vjetorin e Aleancës për Ardhmërinë e Kosovës, ndjeva krenari dhe motiv të jashtëzakonshëm për rrugën përpara

Me besim në Zot, Atdhe e Shtet – përherë dhe përgjithmonë! Në 25-vjetorin e Aleancës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara