14 qytetarë vitias janë shëruar nga virusi pandemik COVID-19

26/06/2020 Institucionet

Komiteti Komunal për Mbrojtje dhe Shpëtim në komunën e Vitisë, ka mbajtur mbledhje të rregullt. Gjatë këtij takimi kryetari i komunës së Vitisë, Sokol Haliti bëri me dije se në këtë komunë janë 38 raste aktive me virusin pandemik COVID-19. Ai shtoj se lajm i mirë është që dje janë shëruar nga ky virus 14 qytetarë të saj. “ Gjendja me virusin pandemik COVID-19 në komunën e Vitisë është në kontroll. Lajm i mirë është që dje IKSHPK ka njoftuar se janë shëruar 14 qytetarë të komunës sonë. Urojmë që edhe qytetarët të tjerë të shërohen sa më parë”, u shpreh Kryetari Haliti. Megjithatë ai kërkoj nga qytetarët që të zbatojnë rekomandimet e ekspertëve, të ruajnë distancën e të mos grumbullohen. Gjithashtu në këtë takim është folur edhe për vazhdimin e dezinfektimeve dhe klorifimit të hapësirave të ndryshme. Në takim ka marrë pjesë edhe Komandanti i Stacionit Policor në Viti, Kapiten Afrim Halili ku është folur për bashkëpunimin e policisë me komunën në menaxhimin e situatës së krijuar nga gjendja e pandemisë.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara