KKMSH: Virusi vazhdon të rrezikojë

28/08/2020 Institucionet

Gjendja epidemiologjike vlerësohet akoma e vështirë, megjithëse numri i të infektuarve me Covid-19, ka pësuar rënie, javën e fundit. Komiteti Komunal për Mbrojtje dhe Shpëtim (KKMSH) në Viti, në takimin e rregullt ka bërë thirrje për vetëpërmbajtje dhe kurajo, sepse virusi akoma po rrezikon. Nënkryetari i Komunës së Vitisë, Hasan Aliu, ka thënë se angazhimi do të vazhdojë i plotë, kurse barrën kryesore pos KKMSH-së, po e bartin edhe shëndetësia dhe Policia e Kosovës, bashkë me Inspektoratin komunal. Komandanti i Stacionit Policor në Viti, kapiten Afrim Halili, tha se Policia vazhdon përkushtimin për zbatimin e masave kundër pandemisë. Ai tha se do të koordinohen dhe do të mbështesin personelin arsimor për testin e maturës që do të mbahet nesër. Drejtori i Drejtorisë së Arsimit, Basri Aliu, tha se janë bërë të gjitha përgatitjet për këtë qëllim. Sipas tij, po bëhet dezinfektimi i shkollave ku do të mbahet testi dhe po shpërndahen maska dhe dezinfektues. Gjithashtu është dezinfektuar edhe çerdhja në Viti.

Kontrolloni gjithashtu

Skenderaj po bëhet gati për marshin protestues “Kosova po pret”

Kryetari i komunës së Skenderajt, z.Sami Lushtaku përmes një postimi të tij në facebook, ka …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara