KK kundër Covid19 në Han të Elezit mbajti mbledhjen e radhës

Tema të tjera...

OVL e UÇK-së dhe Komuna Rahovecit organizojnë aktivitete të shumta me rastin e shënimit të javës së dëshmorëve dhe “Betejës së 12 Majit 1998 -Beteja e Anadrinit”

04/05/2024

U bënë nderime për dëshmorin Bajram Sallahaj nga Kazniku

03/05/2024

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

03/05/2024

Komuna e Deçanit nënshkruan marrëveshje bashkëpunimi me kompaninë PMN Sh.P.K

03/05/2024

Drejtoria për Shëndetësi e Mirëqenie Sociale në komunën e Skenderajt ka mbajtur diskutim publik

03/05/2024

Punonjësit e NPL “Ambienti të angazhuar në mirëmbajtjen e hapësirave të gjelbërta në komunën e Ferizajt

03/05/2024

Këshilli Komunal për zbatimin e masave parandaluese kundër COVID-19 në Komunën e Hanit të Elezit mbajti mbledhjen e radhës për të diskutuar për gjendjen aktuale. Në hapje të këtij takimi, kryetari i komunës së Hanit të Elezit Rufki Suma, i njoftoi të pranishmit lidhur me gjendjen aktuale. Sipas Kryetarit Suma që nga fillimi i pandemisë së Koronavirusit në komunën e hanit të Elezit janë regjistruar gjithsej 29 raste pozitive me Covid-19, ndërsa aktualisht janë 7 raste pozitive. Gjashtë nga këto raste janë regjistruar në muajin Shtator. Edhe pse konsiderohen si raste sporadike, për kryetarin Suma dhe anëtarët tjerë të Këshilli Komunal për zbatimin e masave parandaluese kundër COVID-19 janë dëshmi se ende duhet kujdes i shtuar si dhe zbatimin e masave të institucioneve shëndetësore. Këshilli Komunal për zbatimin e masave parandaluese kundër COVID-19 shqyrtoi edhe çështje tjera që po ndikojnë në gjendjen e përgjithshme në komunë. Çështje që në veçanti u ngrit ishte nga Kryetari i BIK-së Musa Vila për të cilin mbyllja e kufirit Kosovë-Republika e Maqedonisë së Veriut ka vështirësuar në masë të madhe jetën e banorëve të komunës së Hanit të Elezit duke pas parasysh se pjesë e madhe e familjeve të komunës kanë lidhje familjare me banorët e Shkupit dhe rrethinës si dhe shumë banorë që punojnë në Republikën e Maqedonisë së Veriut. Këshilli Komunal për zbatimin e masave parandaluese kundër COVID-19 e shqyrtoi edhe planin e fillimit të vitit të ri shkollorë në shkollat e komunës. Drejtori i DKA-së Menduh Vlashi i njoftoi të pranishmit se janë bërë të gjitha përgatitjet e nevojshme për fillim të mbarë të vitit shkollorë në përputhje me rrethanat e krijuara dhe bazuar në planin e aprovuar nga Ministria e Arsimit. Nga kryetari i komunës Rufki Suma u ofrua e gjithë përkrahja e nevojshme që nxënësit dhe personeli arsimorë të zhvillojnë procesin arsimorë në kushtet sa më të mira dhe të sigurta.