Vazhdojnë aktivitet e përbashkëta kulturore Kosovë-Shqipëri

04/04/2016 Institucionet

Me koncertin “Ti këndojmë pranverës” nga dy ansamblet dhe me shfaqjet e baletit “La Sylphide” dhe Netët Arabe” vazhdon bashkëpunimi në kuadër të kalendarit të përbashkët kulturor Kosovë- Shqipëri.

Në kuadër të aktiviteteve që lidhen me Kalendarin e Përbashkët Kulturor, Ansambli i Këngëve dhe Valleve “Shota”, së bashku me Ansamblin e Këngëve dhe Valleve Popullore të Shqipërisë prezantuan në një koncert të përbashkët në Teatrin Kombëtar të Kosovës.

Pikat e përbashkëta janë realizuar nën përkujdesjen e drejtuesve artistik, Ylber Asllanaj dhe Gerti Druga. Ky koncert, i cili është pjesë e programit të përbashkët kulturor me Shqipërinë, është konceptuar si koncert tematik me këngë për pranverën, lulet dhe dashurinë.

Gjithashtu në kuadër të Kalendarit të Përbashkët Kulturor Shqipëri – Kosovë, me date 2 dhe 3 Prill, në Teatrin Kombëtar të Operës dhe Baletit në Tiranë janë realizuar dy bashkëpunime artistike, shfaqja “ La Sylphide “ me koreografi nga Ilir Kerni dhe “Netët Arabe” nga Baleti Kombëtar i Kosovës me koreografi nga Pëllumb Agaliu.

Këto aktivitete të përbashkëta mes Kosovës dhe Shqipërisë u vlerësuan si jashtëzakonisht pozitive, meqë ky bashkëpunim po rezulton me promovime dhe aktivitete të ndërsjella, që po e ndihmojnë kulturën e mbarnacionale.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara