Shtabi Emergjent komunal në Juniku ka mbajtur takimin e radhës

03/11/2020 Institucionet

Shtabi Emergjent komunal në Juniku ka mbajtur takimin e radhës, pas rritjes së numrit të të infektuarve me Virusin COVID-19 në nivel vendi. Kryetari i komunës së Junikut Agron Kuçi, ka njoftuar anëtarët e shtabit me gjendjen epidemiologjike në komunën e Junikut, masat e reja sipas vendimit të fundit të Ministrisë së Shëndetësisë dhe mundësin për riorganizimin e institucioneve lokale me qëllim të parandalimit të mundësisë së rritjes së intensitetit të përhapjes së virusit. Komuna e Junikut ka 18 raste të konfirmuara deri më tani, ku 6 janë aktive, 12 janë shëruar plotësisht dhe raste të tjera të identifikuara sipas diagnozës klinike të cilat janë në mbikëqyrje dhe duke u trajtuar si raste të dyshimta, bazuar në këtë, Shtabi Emergjent komunal u dakordua që deri ditën e premte mësimi në shkolla të vazhdoj sipas Skenarit A dhe B për të rishikuar përsëri dhe vazhduar varësisht prej zhvillimit të situatës. Shtabi Emergjent Komunal ka kërkuar që policia dhe inspektorati të jenë gjatë tërë kohës në monitorimin e respektimit të masave mbrojtëse në vende ku qytetarët marrin shërbime, u kërkua nga qytetarët që ceremonitë mortore dhe ceremonitë e tjera familjare të realizohen me familjar të afërt, të shmangen vizitat familjare dhe frekuentimet e hapësirave të mbyllura, të shmangen kontaktet e afërta me koleg në ambient pune pavarësisht bartjes së maskës me qëllim të ruajtjes së shëndetit të përgjithshëm.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara