Komuna e Mitrovicës subvencionon me sera 27 fermer

17/04/2016 Institucionet

Kryetyari i Komunës së Mitrovicës, Agim Bahtiri, dhe drejtori i Drejtorisë për Bujqësi, Nasuf Aliu, kanë ndarë serat për fermerët e Komunës. Projekti i Drejtorisë së Bujqësisë për subvencionim, ka si qëllim mbështetjen e fermerëve në komunën e Mitrovicës, prandaj rreth 3,350 m2 sipërfaqe e re toke u janë shpërndarë 27 fermerëve për kultivimin e prodhimeve vendore, gjë që do të thotë se kjo mbështetje është e mirëseardhur për fermerë dhe për furnizimin e tregut me kultura bimore.

Me këtë rast, i pari i Komunës së Mitrovicës, Agim Bahtiri, përshëndeti fermerët përfitues të  projektit, duke iu dëshiruar suksese në punën e tyre edhe në të ardhmen. ”Komuna konform mundësive dhe kapaciteteve buxhetore po përpiqet të mbështes zhvillimin e bujqësisë, duke iu ofruar subvencione të ndryshme, kësaj radhe në sera në disa lokalitete të ndryshme” tha kryetari Bahtiri.

Drejtori i Bujqësisë, Nasuf Aliu, tha se qëllimi i projektit për dhënien e serave është se duke ndihmuar fermerët, bëhen hapa pozitiv në zhvillimin e bujqësisë. Aliu tha se puna e këtyre 27 përfituesve do të monitorohet nga kjo drejtori, në mënyrë që secili përfitues të ndihet përgjegjës për punën që bënë në shfrytëzimin e subvencionimit.

Fermerët kanë shprehur mirënjohje për mbështetjen që po u jep Komuna. Ata thanë se do të punojnë maksimalisht për përkujdesje dhe mirëmbajtjen e serave, me qëllim të arsyetimit të mbështetjes  dhe prodhimtarisë sa më të mirë.

Ky projekt për subvencionim të serave arrin shumën prej 40.000 euro.

Kontrolloni gjithashtu

Në Ferizaj u hap edicioni i 7-të i Panairit të Librit

Ferizaj ka mirëpritur të martën fillimin e Panairit të Librit – Ferizaj 2025, një ngjarje …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara