U mbajt mbledhja e dytë e Këshillit Komunal për Siguri në Bashkësi në Viti

18/05/2022 Institucionet

Nën kryesimin e zëvendëskryetarit të komunës së Vitisë, Hasan Aliu, sot u mbajt mbledhja e dytë e rregullt e Këshillit Komunal për Siguri në Bashkësi (KKSB). Gjatë këtij takimi u vlerësua se gjendja e sigurisë në këtë komunë është e qetë dhe stabile dhe se ka rënie të rasteve të ndryshme. Komandanti i Stacionit Policor, Kapiten Afrim Halili, potencoi se në këtë komunë gjendja e sigurisë është e qetë dhe stabile dhe e menaxhuar pa incidente të mëdha. Ai tha se janë shënuar ulje e rasteve të vjedhjeve qoftë të lehta dhe të rënda. Sipas tij edhe në shkolla ka rënie të incidenteve duke shtuar se fushata e ndërgjegjësimit ka ndikuar pozitivisht tek nxënësit. Komandanti Halili shtoj se gjithashtu ka raste të rënies se aksidenteve në trafik. Ndërkaq kryetari i komunës së Vitisë, Sokol Haliti tha se kjo komunë po bashkëpunon me të gjithë mekanizmat për sigurinë dhe mirëqenien e të gjithëve. Ndërkaq anëtarët e KKSB-së kanë ngritur disa çështje që kanë të bëjnë me sigurinë si: qenët endacak, prania e motoçikletave në vende jo të destinuara, zjarrvëniet, bartja e armëve nga nxënësit, prerjet ilegale të pyjeve etj. Hasan Aliu, zëvendëskryetar i komunës së Vitisë, i njoftoj të pranishmit lidhur me disa veprime që ka marrë komuna për sezonin veror dhe shtimit të kapaciteteve.

Kontrolloni gjithashtu

Kryetari Agim Aliu priti në takime ndaras disa nga kandidatët për deputet nga radhët e PDK-së

Kryetari i komunës së Ferizajt, z. Agim Aliu në kuadër të aktiviteteve të rregullta ditore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara