Komuna e Malishevës e gatshme për zbatimin e reformës për menaxhimin e mbeturinave

20/06/2022 Institucionet

Kryetari i Komunës së Malishevës, Ekrem Kastrati, e ka pritur të takim përfaqësuesin e JICA (Agjencia Japoneze për Bashkëpunim Ndërkombëtar) Paulo Sousa, me të cilin kanë biseduar për realizimin e pilot projektit për rritjen e kapaciteteve për menaxhimin e mbeturinave në territorin e Komunës së Malishevës. Me këtë takim, kryetari Kastrati, shprehi edhe njëherë “gatishmërinë e komunës, për realizimin e këtij projekti dhe për zbatimin e reformës, e po ashtu edhe për marrëveshjen me kompaninë e EKO-Regjionit, në mënyrë që kjo reformë të jetë sa më e zbatueshme, edhe pse si komunë me specifikat që kemi, do të përballemi me sfida, por jemi duke punuar në këtë drejtim”. “Ne si komunë e kemi formuar edhe “task forcën” që merret me menaxhimin e mbeturinave, por qëllim dhe synim i imi është, që mbeturinat të riciklohen dhe kjo rrjedhimisht, krahas krijimit të një ambienti të pastër, do të shndërrohet në industri dhe pa kosto të komunën apo qytetarët”. Në këtë takim, ishin të pranishëm edhe drejtori i Drejtorisë së Shërbimeve Publike, Rifat Mazreku dhe zyrtari përgjegjës komunal, Naser Morina, të cilët janë të kyçur drejtpërdrejtë në realizimin e këtij projekti me JICA, në Komunën e Malishevës.

Kontrolloni gjithashtu

Njoftim për zgjedhjen e Kryetarëve dhe Këshillave të Lagjeve Urbane, fshatërave dhe vendbanimeve në komunën e Rahovecit

Komisioni për udhëheqjen dhe koordinimin e procesit të zgjedhjes së këshillave lokale ka mbajtur takimin …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara