Brickos

Kryetari Smajl Latifi ka pritur në një takim pune Drejtorin e KRU “Radoniqi – Dukagjini” së bashku me përfaqësues të projektit të ARDP- së

18/11/2022 Institucionet

Kryetari i komunës së Rahovecit Smajl Latif, ka pritur në një takim pune, Drejtorin e KRU, “Radoniqi – Dukagjini”, z.Jahja Kadrija së bashku me përfaqësues të projektit të ARDP- së, projekt ky i financuar përmes kredisë nga Banka Botërore dhe zbatohet nga Ministria e Bujqësisë, Pylltarisë dhe Zhvillimit Rural. Znj. Arlinda Arenliu, drejtoreshë e projektit, z. Avdullah Nishori, specialist i ujitjes, znj. Laura Krypa – MMPHI dhe z.Bali Lestrani- MBPZHR, paraqitën para kryetarit Latifi planin e investimeve në fazën e dytë në sistemin aktual të ujitjes, e tëra kjo me qëllim të përgatitjes për fazën e zgjerimit të sistemit të ujitjes edhe në vendbanime dhe zona që nuk janë të përfshira në sistemin ekzistues të ujitjes. Projekti financohet nga Banka Botërore dhe Ministria e Bujqësisë, Pylltarisë dhe Zhvillimit Rural dhe kap vlerën prej: 6.8 milionë euro, i cili projekt është vazhdimësi e shumës prej 10 milionë euro të filluar vite më parë. Projekti parashihet të zbatohet deri në vitin 2026, ku do të përfshihen punime në rregullimin e kanalit në Lug Bunar, po ashtu do të bëhet vendosja e 136 valvulave të cilat do të masin sasinë e ujit të shpenzuar, kontrollimin e presionit të ujit, vendosjen e sistemit të kontrollimit të centralizuar të menaxhimit dhe defekteve në rrjete, modernizimin e rrjetit ekzistues me qëllim të përballimit të kapacitetit të zgjerimit në fazat e tjera.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara