Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediet në Amerikë kanë bërë të ditur se të paktën 38 qytetarë kanë vdekur nga pasojat e motit te ftohtë që i ka goditur Shtetet e Bashkuara dhe Kanadanë. Zyrtarët thonë se 34 njerëz vdiqën në zonën më të goditur të qytetit Buffalo, në shtetin e Nju Jorkut. Katër njerëz mbetën të vdekur në Kanada kur një autobus u përmbys në një rrugë me akull pranë qytetit Merritt, në provincën perëndimore të British Columbia. Më shumë se 2.800 fluturime në Amerikë, janë anuluar ditën e Krishtlindjeve. Shteti perëndimor amerikan, Montana është më i godituri nga i ftohti, me temperatura që bien -45 gradë. Më shumë se 55 milionë amerikanë mbetën nën alarmin e të ftohtit të erës ditëve të fundit. Stuhia dimërore e ka ndërprerë udhëtimin nëpër Shtetet e Bashkuara të Amerikës dhe ka shkaktuar vështirësi të shumta në komunikacion.
