Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktivistët e PSD-së kanë zhvilluar një aksion pranë objektit të Ministrisë së Punëve të Jashtme. Aty i kanë ulur flamujt e Kosovës dhe të Bashkimit Europian, duke i zëvendësuar me disa flamuj në formën e kartmonedhave, me portretin e ambasadorit të Kosovës në Kroaci, Martin Berishaj, i cili është implikuar në një skandal financiar. Nol Nushi, anëtar i Kryesisë së PSD-së tha se kanë informacione se Prokuroria tashmë ka ngritur kallëzim penal kundër Martin Berishajt. Ende nuk është zyrtare, por burimet e ndryshme e konfirmojnë këtë. Ministri Berishaj po hetohet për pastrim parash, për shmangie të tatimit dhe fshehje të biznesit, tha Nushi. Ministria e Jashtme nuk e përfaqëson Kosovën. Kurrë deri tani nuk ka pasur skandal më të madh në këtë ministri. Është krejtësisht e pakuptueshme mbrojtja që krerët e shtetit po ia bëjnë ambasadorit Berishaj, ka saktësuar, Nol Nushi.