Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, së bashku me familjarë të dëshmorëve e martirëve, përfaqësues të OVL-së e bashkëqytetarë të shumtë, nderuan kujtimin për tërë atë sakrificë sublime të 9 dëshmorëve të kombit dhe 34 martirëve nga Hoça e Vogël. “Në këto lugje e kodrina të begata u lindën e u rritën gjithë ata djem e burra atdhetarë që i vunë gjoksin furtunës dhe asnjëherë nuk u pajtuan me poshtërimin e nëpërkëmbjen. Ky fshat i vogël por me zemër të madhe e pagoi shtrenjtë çmimin e lirisë, sepse hordhitë serbe mësynë edhe me aeroplanët e tyre luftarak mbi popullin e pambrojtur, në mëngjesin e 2 prillit të vitit ’99 derisa ishin të strehuar në Nagac, duke vrarë gra e fëmijë, të rinj e pleq dhe duke shkretuar gjithçka që u dilte përpara. Sot, Hoça e Vogël dhe Kosova është e lirë dhe me plot banorë, ndërsa sakrifica e të rënëve përkujtohet e nderohet çdo ditë.”- u shpreh Kryetari Latifi.
