Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Udhëhequr nga Kryesuesi, Defrim Kafexhiu, u mbajt seanca e katërt e rregullt për vitin 2023 e Kuvendit Komunal të Rahovecit. Të pranishëm në seancë përveç kuvendarëve, si zakonisht ishin edhe Kryetari i Komunës, Smajl Latifi, Nënkryetari Fatmir Iska, drejtorët e drejtorive komunale, mediat që monitorojnë seancën, përfaqësuesit e KFOR-it, OSBE-së dhe të DEMOS-it. Këta të fundit, në fillim të seancës prezantuan një vlerësim për kuvendarë që do të bëhet për periudhën maj – shkurt 2024. Para shqyrtimit te rendit të ditës për seancën, znj. Florida Bajraktari si kuvendare e re, bëri betimin solemn bazuar në Ligjin për Qeverisje Lokale.
Pyetjet e kuvendarëve për kryetarin e komunës dhe ekzekutivin ishin rreth:
-
Çështjes së dëmeve në bujqësi dhe amvisëri;
-
Ndriçimit publik – Fortesë;
-
Rreth ndërtimit të fushës sportive – Krushë e Madhe;
-
Problemet me mirëmbajtje higjieno-sanitare në QMF – Krushë e Madhe;
-
Kolektori i ujërave të zeza – Krushë e Madhe;
-
Çështja e tatimit në pronë dhe rivlerësimi i pronës;
-
Rreth punimeve në qendër të qytetit – mosshenjëzimi;
-
Rrjetit të ujësjellësit dhe atij elektrit – Opterushë.
Në të gjitha pyetjet e parashtruara, anëtarët e kuvendit morën përgjigje të strukturuara dhe konkrete.
RENDI i ditës me 11 pika, ishte ky:
-
Shqyrtimi dhe miratimi i procesverbalit nga mbledhja e kaluar;
-
Pyetjet dhe përgjigjet në pyetjet e kuvendarëve;
-
Shqyrtimi dhe miratimi i propozim – vendimit për shpalljen me interes të përgjithshëm publik pjesën e parcelës P- 71510057-02240-1, zona kadastrale – Rahovec;
-
Shqyrtimi dhe miratimi i propozim – vendimit për bartjen e mjeteve vetanake nga viti 2022 në 2023;
-
Shqyrtimi dhe miratimi i plotësim – ndryshimit të vendimit 01 Nr. 352/3, i datës 9.4.1986 mbi rivlerësimin dhe rikategorizimin e zonës së mbrojtur të “Kanioni i Drinit të Bardhë”;
-
Shqyrtimi i raportit tre – mujor financiar, janar – mars 2023;
-
Shqyrtimi dhe miratimi i vendimit për dhënie në shfrytëzim afatgjatë P- P-71510008-00266-0, në zonën kadastrale Hoçë e Madhe;
-
Shqyrtimi dhe miratimi i Planit të Veprimit të Komitetit për Shëndetësi dhe Përkujdesje Sociale;
-
Shqyrtimi dhe miratimi i planit komunal të veprimit për Riintegrimin e Qëndrueshëm të Personave të Riatdhesuar dhe Integrimin e të Huajve në Komunën e Rahovecit;
-
Shqyrtimi i raportit financiar buxhetor i NPL – Stacioni i Autobusëve – Rahovec;
-
Shqyrtimi i raportit të punës tre – mujore të KRM – Ekoregjioni.
Në seancë u propozuan katër pika shtesë:
-
1. Shqyrtimi dhe miratimi i vendimit për formimin e komisionit për zbatimin e procedurave dhe vlerësimin e ofertave të dhënies në shfrytëzim të pronës së paluajtshme të komunës; (Kjo pikë ndërlidhet me pikën e 7-të të rendit të ditës)
-
2. Shfuqizimi i vendimit 01 Nr.48/23 dt. 30.3.2023 për riparcelizim të parcelave në zonën kadastrale – Rahovec;
-
3. Shfuqizimi i vendimit 01 Nr.54/23 dt. 30.3.2023 për caktimin e lokacionit për ndërtimin e objektit për zhvillimin e aktiviteteve për nevojat e komunitetit të fshatit Kramovik;
-
4. Shfuqizimi i vendimit 01 Nr.55/23 dt. 30.3.2023 për caktimin e lokacionit për ndërtimin e objektit për zhvillimin e aktiviteteve për nevojat e komunitetit të fshatit Polluzhë.
Mbledhja u cilësua konstruktive, dinamike, me angazhim dhe efikase, ku pikat e rendit të ditës u votuan me shumicë votash nga anëtarët e kuvendit.
