Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të PDK-së, Abelard Tahiri, duke folur për situatën në veri të Kosovës, ka thënë se kryeministri Kurti në këtë periudhë kohore ka krijuar një kaos në veri. Fatkeqësisht sikur vërtetë të kishim shtrirje të sovranitetit, angazhim të institucioneve ligj zbatuese do ta kishim përkrahë dhe do të ishte shumë mirë, por ju e shihni se në veri nuk ka kushte për asgjë. Njeriu nuk është i lirë as deri në market të shkoj të blej diçka sepse janë të kërcënuar nga bandat që një pjesë e tyre kanë ardhur nga Serbia. Kryeministri Kurti “e ka reduktuar sovranitetin e shtetit të Kosovës në oborret e katër komunave”. Abelard Tahiri shtoi se qëndrimi i PDK-së është që të kemi angazhim të përbashkët sidomos me Shtetet e Bashkuara të Amerikës. Është e dhimbshme dhe e papranueshme që të na vihen sanksione, të përjashtohet Ushtria e Kosovës nga “Mbrojtësi i Evropës 23”, si rezultat i veprimeve të pamatshme të kryeministrit të Kosovës. Nëse krijojmë precedent të rrezikshëm të cilat e tejkalojnë rendin tonë kushtetues, mendoj se në thelb po e cenojmë shtetësinë e vendit tonë”, ka saktësuar Abelard Tahiri.
