Në Suharekë u mbajt takimi javor i koordinimit lokal për siguri

11/06/2016 Institucionet

Në takimin e rregullt javor për koordinim lokal të sigurisë, të cilin e kryesoi Rexhep Kuçi, nënkryetari i Komunës së Suharekës, në mes tjerash u tha se gjatë javës situata e sigurisë ka qenë e qetë dhe stabile. Komandanti i stacionit policor në Suharekë, kapiten Milazim Lumi, ka thënë se ka ndodhur vetëm një rast në Suharekë që ka qenë  vrasje në tentative, ku i  dyshimti u ndal me urdhër të prokurorit dhe arma është konfiskuar. Ai ka bërë të ditur edhe për përgatitjet që ka bërë stacioni i policisë për festën e ditës së çlirimit- 13 qershorin gjatë aktiviteteve që do të zhvillohen. Ndërsa  nënkryetari  i Komunës z. Rexhep Kuçi ka njoftuar për zhvillimet dhe aktivitetet që gjatë javës kanë ndodhur në komunë. Kuçi ka njoftuar për debatin e organizuar të Lëvizjes “Fol” me kryetarin e Komunës z. Sali Asllanaj me banorët e fshatit Mushtisht, pastaj për takimin që nënkryetari e ka pas me zv. Ministren e Kulturës Elfete Shabani, nga sektori i komuniteteve e cila u interesua për pozitën dhe mundësinë e punësimit të komuniteteve RAE, pastaj për pjesëmarrjen në Ambasadën italiane ku është biseduar për mundësinë e investitorëve Italian në Kosovë si dhe për takime dhe ngjarje tjera që kanë ndodhur gjatë javës që lamë pas.

Kontrolloni gjithashtu

Ligjëratë Informuese në kuadër të Ditës Botërore të Turbekulozit

Në kuadër të 24 Marsit, Ditës Botërore të Tuberkulozit, u mbajt një ligjëratë informuese me …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara