Kryetari Kastrati ka pritur në takim anëtarin e Këshillit Komunal në Traisen të Austrisë, Fidan Limani

26/07/2023 Institucionet

Kryetari i Komunës së Malishevës, Ekrem Kastrati, në vazhdën e rritjes së bashkëpunimit me komunat e vendeve evropiane, me theks të veçantë me përfaqësuesit shqiptarë nëpër institucionet drejtuese të botës perëndimore dhe jo vetëm, ka pritur në takim, z. Fidan Limani, anëtar i Këshillit Komunal në komunën e Traisenit të Austrisë. Ky takim, që vjen vetëm pak javë pas vizitës zyrtare të kryetarit Kastrati në Austri, kishte për qëllim thellimin e bashkëpunimit mes dy komunave, në funksion të shkëmbimit të praktikave më të mira të qeverisjes lokale, gjithnjë në interes të qytetarëve të vendeve tona përkatëse. Kryetari Kastrati e ka vlerësuar lartë z. Limani, një shqiptar tejet punëtor, nga Republika e Maqedonisë së Veriut, që ka nisur një mision fisnik, që përmes angazhimit politik të bëj më të mirën për komunitetin shqiptar në Traisen të Austrisë. Po ashtu, kryetari Kastrati e ka njoftuar z. Limani për disa nga projektet më madhore që janë duke u realizuar në funksion të urbanizimit të qytetit të Malishevës, me theks të veçantë projekti i ndërtimit të Sheshit të Dëshmorëve dhe projekti i bulevardit “Ibrahim Mazreku”.

Kontrolloni gjithashtu

44 mësimdhënës të arsimit fillor (niveli 1-5) ndjekin trajnimin për karrierë

Nën organizim të Drejtorisë për Arsim dhe Edukim në Komunën e Malishevës, të mërkurën ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara