Ministri Shala vizitoi Universitetin Urbaniana dhe arkivin e Propaganda Fides në Itali

05/07/2016 Institucionet

Në vazhdën e vizitës zyrtare në Itali, ministri i Kulturës, Rinisë dhe Sportit, Kujtim Shala, i shoqëruar nga zëvendësministri Rexhep Hoti, ka vizituar Universitetin Urbaniana dhe Arkivin e Propaganda Fides.

Ministri Kujtim Shala është takuar me zëvendësrektorin Lorella Congiuniti, me të cilin bisedoi për mundësitë e bashkëpunimit specifik dhe konkret ndërmjet institucioneve të Kosovës të fushës së kulturës dhe Universitetit Urbaniana e Arkivit të Propaganda Fides.

Ministri Shala dhe zëvendësrektori Congiuniti mes tjerash biseduan për modalitetet e bashkëpunimit në fushën e kulturës, si dhe për mundësitë që studentët e Kosovës të bëjnë studime në këtë universitet.

Po ashtu, në këtë takim ndërmjet ministrit Shala dhe zëvendësrektorit Congiuniti u bisedua për mundësitë e bashkëpunimit në fushën e publikimeve dhe u shtrua nevoja për formimin e një grupi të përbashkët hulumtues që do të merrej me hulumtimin e dokumenteve të shumta që gjinden për Kosovën dhe shqiptarët në arkivin e pasur të Propaganda Fides, meqë kjo arkivë është shumë e pasur me dokumente për Ballkanin dhe veçmas për shqiptarët.

Mes tjerash, në këtë takim u bisedua edhe për mundësitë e digjitalizimit të dokumenteve të cilat kanë të bëjnë me shqiptarët në këtë arkiv, dhe të dyja palët shprehën interesim për të punuar në të ardhmen në këtë drejtim.

Kontrolloni gjithashtu

Puna intensive për ndërtimin e rrugës Rahovec – Xërxë me katër korsi, nuk ndalet

Kryetari i komunës së Rahovecit, z. Smajl Latifi përmes një postimi në facebook ka shpërndarë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara