U mbajt ekspozita e grurit “Theranda 2016”

23/07/2016 Institucionet

Me një manifestim solemn, Komuna e Suharekës, përkatësisht Drejtoria për planifikim, zhvillim, bujqësi dhe pylltari ka shpallë 4 fermerët më të mirë kultivues të grurit si dhe një perimtar më të dalluar të kësaj Komune. Këto rezultate u shpallën me rastin e ekspozitës së grurit “Theranda 2016”, ku morën pjesë 25 fermerë më të dalluar të komunës së Suharekës. Me këtë rast kryetari i Komunës z. Sali Asllanaj e ka bërë të hapur këtë ekspozitë dhe ka uruar fermerët për rezultatet e arritura në kultivimin e grurit. “ Është kënaqësi për mua të marrë pjesë në këtë ekspozitë ku po bëhet një rezyme e prodhuesve më të mirë të grurit dhe sa kam informacion unë, këtë vit kemi rendimente shumë të mira të grurit se sa viteve tjera. Komuna po i jep rëndësi  bujqësisë, ashtu edhe ministria, por e di që jemi shumë larg asaj sa duhet për të dhënë për sektorin e bujqësisë”, me një fjalë rasti dhe me përshëndetje për fermerët u paraqit edhe drejtori i bujqësisë, z. Xhemajl Kabashaj. Fermerët më të dalluar sivjet u shpallën: Ahmet Trolli nga Dragaqina, Ramadan Elshani, nga Sllapuzhani, Xhavit Shala, nga Mushtishti dhe Hajrush Kryeziu nga Suhareka dhe perimtari më i dalluar Milaim Ademi nga Studençani, të cilët si shpërblim morën nga 25o kg farë për mbjellje. Ndërsa të gjithë fermerët pjesëmarrës të ekspozitës u shpërblyen me nga një aparat  për spërkatje. Ekspozita e grurit në Suharekë, çdo vit mbahet pas përfundimit të fushatës së korrje-shirjeve, ndërsa manifestimi i sivjetmë ka qenë i 14-ti me radhë.

Kontrolloni gjithashtu

Paralajmërim për rrezikun nga zjarret gjatë temperaturave të larta

Drejtoria e Shërbimeve Publike dhe Emergjencave e Komunës së Ferizajt, duke marrë parasysh rritjen e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara