Kryetari Asllanaj dhe Arian Zekaj, drejtor në OEA janë takuar me biznesmenë suharekas

28/07/2016 Institucionet

Organizuar nga Oda Ekonomike Amerikane në Kosovë, në Suharekë u mbajt një tryezë diskutimi me përfaqësues të bizneseve privat të cilat llogariten të jenë më të suksesshmet në Komunën e Suharekës. Gjatë kësaj tryeze u debatua për shumë çështje që kishin të bënin me zhvillimin e sektorit privat. Kryetari i komunës së Suharekës, z. Sali Asllanaj shprehi mirënjohje ndaj Odës Amerikane, që sipas tij, vazhdon të jetë mbështetëse e madhe e sektorit privat, duke vlerësuar iniciativat e saj, të cilat jo vetëm që u mundësojnë kompanive vendore të shprehin shqetësimet e tyre, por vazhdimisht nxisin vendimet e institucioneve shtetërore prej të cilave përfiton sektori privat. Ndërkaq, Arian Zeka, drejtor ekzekutiv i Odes Amerikane në Kosovë, theksoi zgjerimin e listës së lëndëve të para të liruara nga detyrimet doganore, çështje kjo e ngritur edhe në Komisionin Kombëtar për Zhvillim Ekonomik, si një ndër problemet kryesore me të cilat përballet sektori privat. Ai shtoi se zgjerimi i listës së produkteve të liruara nga sektori privat do të barazonte pozitën konkurruese të prodhuesve vendor në raport me vendet e rajonit, duke argumentuar se aplikimi i TVSH-së në lëndët e para ndikon, mes të tjerash, në çmimet e larta të produkteve të gatshme për shitje apo eksport jashtë vendit. Më pas bizneset lokale në Suharekë, ngritën shqetësimet e tyre, me të cilat po përballën. Bizneset lokale të Suharekës patën mundësi të diskutojnë mbi shqetësimet dhe sfidat me të cilat përballen.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara