Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Prishtinës ka caktuar masën e paraburgimit për një muaj ndaj Dragisha Viqentijeviqit, i dyshuar për pjesëmarrje në sulmin terrorist ndaj kanalit të ujit të Ibër-Lepencit në Zubin Potok më 29 nëntor 2024. Avokati i Viqentijeviqit, Millosh Delloviq, ka konfirmuar vendimin dhe ka theksuar se klienti i tij nuk e ka pranuar fajësinë, duke insistuar se ishte në një vend tjetër në kohën e sulmit, dhe se ka shumë dëshmitarë që mund të vërtetojnë alibinë e tij. Ky shpërthim ka dëmtuar rëndë infrastrukturën, ndërsa Qeveria e Kosovës dhe ndërkombëtarët e kanë dënuar aktin, duke e konsideruar si një sulm të orkestruar nga Serbia. Shpërthimi ka shkaktuar shqetësime të mëdha për sigurinë, por autoritetet kosovare dhe KFOR-i janë angazhuar për të garantuar mbrojtjen e infrastrukturës kritike dhe stabilitetin e vendit.
