Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në deklaratën e lëshuar pas Samitit BE-Ballkani Perëndimor, Bashkimi Evropian ka adresuar mungesën e normalizimit të marrëdhënieve ndërmjet Kosovës dhe Serbisë si një pengesë serioze për progresin e të dyja palëve. Në pikën 13 të deklaratës, BE-ja thekson se marrëveshjet e arritura në dialogun e ndërmjetësuar nga BE-ja duhet të zbatohen në tërësi, duke përfshirë Marrëveshjen për Rrugën drejt Normalizimit dhe shtojcën e saj. BE-ja ka rikujtuar se mbështetja financiare në kuadër të Instrumentit të Reformës dhe Rritjes për Ballkanin Perëndimor është e kushtëzuar me angazhimin konstruktiv dhe progresin konkret në normalizimin e marrëdhënieve mes Prishtinës dhe Beogradit. Në deklaratë, BE-ja ka riafirmuar angazhimin e saj ndaj perspektivës së anëtarësimit të Ballkanit Perëndimor, duke e konsideruar zgjerimin si një investim strategjik në paqe, siguri dhe prosperitet për rajonin.
