Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës konsideron se në mungesë të vizionit dhe planit të Qeverisë së Kosovës, qytetarët e vendit po përballen me reduktime të energjisë elektrike. Anëtari i Kryesisë së kësaj partie, Visar Azemi në një konferencë për medie tha se reduktimet e ashpra që kanë filluar ditët e fundit po ndodhin si pasojë e paaftësisë së ekzekutivit për të ofruar zgjidhje në këtë drejtim. Reduktimet që kanë filluar në shumë qytete e fshatra janë shumë të ashpra. Gjendja bëhet edhe më e vështirë nëse marrim parasysh edhe të ftohtin që po mbretëron tek ne. Këto reduktime dhe kjo mungesë e energjisë elektrike janë pasojë e paaftësisë dhe dështimit të kësaj qeverie që të ofroj zgjidhje për furnizim të rregullt me energji elektrike. LDK e dinë që sa kohë që nga fillimi ka bërë thirrje për marrjen e masave të nevojshme për t’u përballur me krizën energjetike të cilën e kemi paralajmëruar. LDK thotë se kjo parti ka plan konkret për një zgjidhje të përhershme në sektorin e energjisë.
