Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i Partisë Demokratike të Kosovës, për deputet, ish-ministri i jashtëm, Enver Hoxhaj, ka prezantuar një nga prioritetet kryesore të programit të partisë, duke premtuar rritje të pensioneve për të gjitha kategoritë e luftës, veteranët, invalidët dhe familjet e dëshmorëve. “PDK do të rrisë për 50% pensionet për të gjitha kategoritë e luftës. Veteranët e luftës do të kenë të drejtën të punojnë pa iu ndaluar pensioni i veteranit, dhe kjo do të rregullohet përmes ndryshimit të ligjit,” theksoi Hoxhaj gjatë shpalosjes së programit. Ai shtoi se vetëm Partia Demokratike e Kosovës i nderon dhe mbron me vendosmëri sakrificat e luftëtarëve të lirisë dhe familjeve të tyre. Ajo do t’ i rrisë pensionet për kategoritë e luftës dhe garanton të drejtën e punës për veteranët pa humbur pensionin. Ky angazhim synon të përmirësojë mirëqenien e kategorive të luftës dhe të sigurojë mbështetje të vazhdueshme për ata që kanë sakrifikuar për lirinë dhe pavarësinë e Kosovës, ka saktësuar, Enver Hoxhaj.
