Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e PDK, Vlora Çitaku ka parashikuar një “fund politik të turpshëm” për Kryeministrin Albin Kurti, duke e kritikuar ashpër për shkrirjen e kufijve mes shtetit dhe partisë që ai udhëheq. Ajo ka akuzuar Kurtin për shfrytëzimin e zyrës së Kryeministrisë për takime partiake dhe për lëshimin e komunikatave partiake përmes Zyrës së Kryeministrit, duke i trajtuar institucionet e shtetit si vegla të partisë. Çitaku, ka kujtuar Kurtit se Kosova nuk është pronë e asnjë partie dhe se ai nuk është mbi ligjin dhe Kushtetutën. Ajo theksoi se veprimet e tij po shkelin ligjet dhe po përbuzin traditat dhe parimet që dikur ai vetë i mbrojti. Çitaku i paralajmëroi Kurtit se fundi i tij politik, nëse vazhdon me këtë qasje, do të jetë një dështim dhe një turp i madh, duke shtuar se “historia nuk fal dhe populli nuk harron”.
