Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i zgjedhur i Lidhjes Demokratike të Kosovës, Lutfi Haziri, ka akuzuar Lëvizjen Vetëvendosje për bllokimin e seancës për konstituimin e Kuvendit të Kosovës. Në një reagim publik, Haziri tha se veprimet e VV-së, ata e shpërfaqën qartë pengesën faktike për themelimin e institucioneve të reja. Ai theksoi se në sallë ishin të pranishëm 100 deputetë dhe se LDK mori pjesë në seancë në mënyrë të rregullt. Sipas tij, ndërprerja e seancës nga kryesuesi nga radhët e VV-së ishte në kundërshtim me Rregulloren e Kuvendit. Haziri kritikoi faktin që kryesuesi thirri konsultime politike pa mandat të qartë dhe pa autorizim, gjë që sipas tij shkel procedurat ligjore. Ai shprehu keqardhje për zhvillimet dhe paralajmëroi pasoja në funksionimin institucional. Deputeti i LDK-së kërkoi përgjegjësi politike dhe kthim në rregullat demokratike.
