Në amfiteatrin në Gradish, do të jepet premiera e shfaqjes “MBRETËRESHA E FUNDIT”

06/05/2025 Institucionet

Të mërkurën me 7 maj 2025 nga ora 20.00 në amfiteatrin në Gradish (Xerxë), do të jepet premiera e shfaqjes “MBRETËRESHA E FUNDIT”, shfaqje kjo ku pasqyrohet figura historike e mbretëreshës Teutë.

Nje shfaqje koreografike e vallëzimit bashkëkohor me elemente nga folklori shqiptar dhe jo vetëm, ku lëvizja kthehet në gjuhë të heshtur, ku trupi rrëfen historinë e fundit të një mbretëreshe që sfidoi kohën, fuqitë dhe heshtjen.

Mbretëresha ilire, ringjallet jo si figurë e pushtetit, por si frymë e qëndresës. Në një botë që rrëshqet drejt errësirës, ajo ecën mes rrënojave, mes kujtimit dhe harresës, duke na kujtuar fundin e një mbretërie e cila ka ekzistuar.

“Mbretëresha e fundit” nuk është vetëm shfaqje, është rit, është fjalë e pathënë, është kërcim mbi gurë të lashtë.

Andaj, ejani dhe së bashku do të shohim të kaluarën përmes një pasqyrimi brilant në shfaqjen “Mbretëresha e fundit”, e punuar profesionalisht nga koreografi Gëzim Sertollaj, udhëheqësi artistik Muharrem Morina dhe koordinatorja Blerta Hasani, thuhet në postimin në facebook, të kryetarit të komunës së Rahovecit, z. Smajl Latifi.

Kontrolloni gjithashtu

Smajl Latifi: Shqiponja e Dushkajës qëndron si simbol i pathyeshmërisë dhe dashurisë për atdhe

Në fshatin Shqiponjë, ish-Jabllanicë e Gjakovës, u shënua të shtunën 26-vjetori i çlirimit nga forcat …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara