Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eksperti i politikës së jashtme dhe sigurisë, Adrian Shtuni, ka vlerësuar se bllokimi i gjatë institucional në Kosovë – i manifestuar përmes dështimit për ta konstituar Kuvendin për të pesëmbëdhjetën herë që nga zgjedhjet e shkurtit – është reflektim i mungesës së një vizioni strategjik të përbashkët për të ardhmen e vendit dhe krizës së thellë të besimit mes aktorëve politikë. Në një intervistë për Radion Evropa e Lirë, Shtuni e përshkroi situatën si një “zugzwang i ndërsjellë” – një term i njohur në shah që përshkruan momentin kur çdo lëvizje e mundshme sjell pasoja të pafavorshme për lojtarët. “Asnjë subjekt nuk është i gatshëm të ndërmarrë hapa që mund të interpretohen si dobësim i pozicionit të vet politik, edhe kur vendi është në bllokadë funksionale,” tha Shtuni, duke shtuar se mungesa e vullnetit për kompromis po e paralizon sistemin demokratik. Ai theksoi se Kosova ka nevojë urgjente për një qeveri të qëndrueshme dhe me bazë të gjerë politike – apo edhe teknike – të paktën deri në marsin e vitit 2026, kur pritet të mbahet zgjedhja e re për presidentin.
