Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja për Evropën dhe Punët e Jashtme të Shqipërisë, Elisa Spiropali, po zhvillon një vizitë zyrtare në Bruksel, ku do të takojë përfaqësues të lartë të Komisionit Evropian. Spiropali deklaroi se Shqipëria është e përkushtuar të vazhdojë me ritmin e negociatave për anëtarësim në Bashkimin Evropian, duke theksuar se nuk ka asnjë minutë për të humbur në këtë proces. Sipas Top Channel, ministrja shqiptare do të pritet nga Zëvendës presidentja e Komisionit Evropian dhe Përfaqësuesja e Lartë e BE-së për Punët e Jashtme dhe Sigurinë, Kaja Kallas. Ajo pritet të zhvillojë takime edhe me Komisioneren për Zgjerim, Marta Kos, si dhe me drejtorin e përgjithshëm për Zgjerimin dhe Fqinjësinë Lindore, Gert Jan Koopman. Në fokus të diskutimeve do të jenë ecuria e negociatave të Shqipërisë me BE-në dhe mbështetja për proceset reformuese në vend.
