Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për herën e 18-të me radhë, Kuvendi i Kosovës ka dështuar ta miratojë formimin e komisionit për votim të fshehtë. Pushteti nuk i siguroi votat, ndërsa opozita refuzon të votojë Albulena Haxhiun. Kryesuesi Avni Dehari ftoi partitë në konsultime, por pa rezultat. Vetëm 52 deputetë votuan pro – jo mjaftueshëm për kuorum. Deputetët opozitarë kritikuan procedurat. Përparim Gruda e akuzoi Deharin për shkelje të Kushtetutës, ndërsa Daut Haradinaj kërkoi reflektim nga Albin Kurti dhe propozimin e kandidatëve alternativë. Alban Zogaj e quajti situatën “absurde dhe të turpshme”. Ndërkohë, Gjykata Kushtetuese pritet të trajtojë ankesën e AAK-së për mënyrën e votimit. Fatmir Limaj, paralajmëroi për pasoja serioze, duke theksuar se vendi ka nevojë për qeveri funksionale. Ngërçi politik vazhdon, pa zgjidhje konkrete në horizont.
