Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fondi Monetar Ndërkombëtar ka vlerësuar përkushtimin e Bankës Qendrore të Kosovës në zbatimin e reformave për përmirësimin e qeverisjes dhe forcimin e sektorit financiar.
Në raportin e fundit, theksohet progresi i BQK-së në rritjen e qëndrueshmërisë së sistemit financiar të vendit. FMN nënvizon se reformat e ardhshme do të ndihmojnë në përmirësimin e mbikëqyrjes financiare dhe gatishmërisë për menaxhimin e krizave. Rekomandimet përfshijnë edhe përforcimin e mekanizmave institucionalë për ruajtjen e stabilitetit financiar. BQK ka falënderuar FMN-në për bashkëpunimin dhe partneritetin strategjik. Institucioni qendror financiar konfirmon angazhimin e tij për stabilitet dhe zhvillim të qëndrueshëm ekonomik në Kosovë.
