Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas një pezullimi dy vjet më parë, Forca e Sigurisë së Kosovës është rikthyer fuqishëm në stërvitjen më të madhe ushtarake të NATO-s në Ballkan, “Defender 25”, ku këtë vit Kosova është një nga vendet nikoqire. Kjo stërvitje ndërkombëtare, e udhëhequr nga ushtria amerikane, përfshin mbi 25 mijë trupa nga SHBA-ja dhe 25 vende aleate dhe partnere, dhe synon rritjen e ndërveprueshmërisë dhe gatishmërisë luftarake në rajon. Përmes pjesëmarrjes në këtë operacion, FSK po demonstron gatishmërinë operacionale dhe profesionalizmin e arritur, duke u renditur krahas ushtrive të shteteve fqinje, thekson ish-oficeri britanik Ade Clewlow. “Ky është një moment i rëndësishëm për Kosovën. Tregon se FSK nuk është më thjesht një konsumues i sigurisë, por një kontribuues i vlerësuar në arkitekturën mbrojtëse të rajonit dhe më gjerë”, deklaroi Clewlow.
