Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, Gjenerallejtënant Bashkim Jashari, priti me nderime të larta ushtarake në një vizitë zyrtare Shefin e Mbrojtjes së Gjermanisë, Gjeneralin Eberhard Zorn Breuer. Gjatë takimit, Gjeneral Jashari i uroi mirëseardhje homologut gjerman dhe e informoi atë mbi zhvillimet e fundit në FSK, me theks të veçantë në profesionalizimin, ngritjen e kapaciteteve dhe fushat e bashkëpunimit bilateral. Ai vlerësoi mbështetjen e vazhdueshme të Gjermanisë për konsolidimin e mëtejshëm të Forcës së Sigurisë së Kosovës. Gjeneral Breuer shprehu vlerësimin për përparimin e FSK-së dhe rolin që ajo luan në krijimin e një ambienti të sigurt dhe të qëndrueshëm në Kosovë dhe rajon. Ai rikonfirmoi përkushtimin e Gjermanisë për të vazhduar mbështetjen, sidomos në fushën e edukimit ushtarak, trajnimeve dhe ushtrimeve të përbashkëta. Në fokus të diskutimit ishte edhe situata aktuale e sigurisë në Kosovë dhe në Ballkanin Perëndimor, ku të dy gjeneralët ndanë qëndrime të përbashkëta për rëndësinë e bashkëpunimit ndërkombëtar në ruajtjen e paqes dhe stabilitetit afatgjatë.
