Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionisti Dardan Sejdiu ka dhënë një vlerësim alarmues për gjendjen ekonomike në Kosovë, duke reaguar ndaj protestës së sotme të bizneseve, të cilat kundërshtojnë rritjen e çmimit të energjisë. Sejdiu tha se situata është shumë serioze dhe paralajmëroi se vendi po shkon drejt bankrotit. “Këto biznese që kanë protestuar sot mbajnë 143 mijë punëtorë, që do të thotë 143 mijë familje varen nga to. Ato krijojnë 11 miliardë euro qarkullim në vit – gjysma e ekonomisë së Kosovës”, tha ai. Sejdiu shtoi se bizneset që protestuan kontribuojnë me rreth 4.5 milionë euro tatime në ditë dhe paralajmëroi se goditja ndaj këtij sektori do të ketë pasoja të rënda financiare dhe sociale. “Nëse kjo situatë vazhdon, ky vend po shkon drejt bankrotit. Është serioze,” theksoi ai.
