Ka vazhduar edhe të mërkurën cikli i dëgjimeve buxhetore me qytetarë, për Kornizën Afatmesme Buxhetore 2026-2028 të komunës së Skenderajt.
Dëgjimi i sotëm është mbajtur në Klinë të Epërme, ku kanë marrë pjesë drejtorët e Komunës, Ismet Aliu, Driton Mulaj dhe Shahin Tahiraj.
Drejtori për Buxhet dhe Financa, Ismet Aliu, ka prezantuar para qytetarëve parashikimet e buxhetit për vitet e ardhshme, ndërsa drejtori për Urbanizëm, Driton Mulaj, ka folur për projektet kapitale që janë prioritet e që do të financohen nga buxheti komunal.
Qytetarët nga ana e tyre kanë paraqitur kërkesa për investime në fshatin Klinë e Epërme dhe në fshatrat tjera përreth, kërkesa këto të cilat pritet të përfshihen në buxhetin e Komunës së Skenderajt.