Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjes Demokratike të Kosovës, Armend Zemaj, ka reaguar ndaj situatës së vazhdueshme të ngërçit politik në Kuvend, duke e cilësuar sjelljen e Lëvizjes Vetëvendosje si të papranueshme dhe të dëmshme për vendin. Në një deklaratë për mediat, Zemaj u shpreh se ajo që po ndodh tashmë është “e tepërt” dhe se Vetëvendosje duhet të marrë përgjegjësi për zhbllokimin e procesit: “Nuk kemi asnjë indikacion që LVV ka bërë ndonjë marrëveshje për konstituim dhe krijimin e qeverisë së re. Ata ose duhet të hapin rrugë, ose të krijojnë mundësi dhe mos të vazhdojnë me ngërçet.” Zemaj tha se LDK, sikurse edhe qytetarët, pret një zgjidhje të shpejtë dhe efektive për funksionalizimin e institucioneve, duke e cilësuar të papranueshme që pas zgjedhjeve të 9 shkurtit, vendi të mbetet ende pa Kuvend të konstituuar dhe pa qeveri të re.
