Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i Aleancës për Ardhmërinë e Kosovës, Ramush Haradinaj, ka përkujtuar sot disa nga dëshmorët e rënë për liri, duke vlerësuar kontributin e tyre të jashtëzakonshëm në shërbim të atdheut.
Përmes një postimi në Facebook, Haradinaj ka përmendur me respekt Enver Dobrajn, Jetmir Mazrekajn, Gazmend Lokajn, Ramiz Racin, Safet Rexhepin dhe Shaban Shabanin, duke theksuar se ata gjithmonë ishin të gatshëm për të dhënë gjithçka për vendin.
“Sa herë e kërkoi Atdheu, ata ishin të gatshëm për sakrificë. Enver Dobraj, luftëtar sypatrembur me pushkën e të cilit u shënuan shumë beteja kundër armikut. Të tillë ishin edhe Jetmir Mazrekaj, Gazmend Lokaj, Ramiz Raci, Safet Rexhepi dhe Shaban Shabani. Nder dhe lavdi përjetë!”, ka shkruar në profilin e tij në Facebook, kreu i AAK-së, Ramush Haradinaj.
