Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi Gjykues i Dhomave të Specializuara në Hagë ka caktuar datën 14 korrik 2025 si ditën kur do të shpallet vendimi lidhur me kërkesën për rrëzimin e aktakuzës ndaj ish-krerëve të UÇK-së: Hashim Thaçi, Kadri Veseli, Rexhep Selimi dhe Jakup Krasniqi. Sipas një vendimi të fundit të gjykatës, afati për dorëzimin e mocionit të përbashkët nga ekipet mbrojtëse është caktuar më 12 qershor. Ekipet ligjore të Misetiq, Dixon, Roberts dhe Alagendra do të paraqesin argumentet për rrëzimin e aktakuzës. Në anën tjetër, Prokuroria e Specializuar, e udhëhequr nga Kimberly West, do të ketë afat deri më 7 korrik për të paraqitur kundërshtimet e saj ndaj mocionit. Paneli Gjykues, i kryesuar nga gjyqtari Charles Smith, ka shprehur synimin që më 14 korrik të dalë me një vendim mbi kërkesën për rrëzimin e aktakuzës, një pikë kyçe që mund të ndikojë ndjeshëm rrjedhën e mëtejme të procesit. Në varësi të këtij vendimi, do të përcaktohen afate të reja procedurale, përfshirë paraqitjen e dëshmitarëve nga Mbrojtësi i Viktimave. Po ashtu, më 16 korrik, ekipet mbrojtëse duhet të bëjnë të ditur nëse do të paraqesin rastin e tyre në vjeshtë dhe nëse do të thërrasin dëshmitarë në sallën e gjykimit.
