Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një takim të përbashkët të mbajtur më 10 qershor – datë me simbolikë historike që përkon me përvjetorin e Lidhjes Shqiptare të Prizrenit – u bashkuan përfaqësuesit e disa prej organizatave më të rëndësishme të dala nga lufta e UÇK-së: Organizata e Veteranëve të Luftës, Shoqata e Invalidëve të Luftës, Shoqata e Familjeve të Dëshmorëve, Shoqëria “Lëvizja” dhe Shoqata e Ish të Burgosurve Politikë. Ky takim u zhvillua në frymën e unitetit dhe bashkëpunimit, me synim forcimin e zërit të përbashkët për mbrojtjen e vlerave të luftës çlirimtare dhe të drejtave të atyre që sakrifikuan për lirinë e Kosovës. Gjatë takimit, palët pjesëmarrëse ranë dakord për nënshkrimin e një marrëveshjeje bashkëpunimi dhe themeluan Këshillin Nismëtar për Koordinim të Përhershëm, i cili do të shërbejë si platformë e përbashkët për adresimin e çështjeve të rëndësishme ndaj institucioneve vendore, ndërkombëtare dhe opinionit publik. Pjesëmarrësit gjithashtu shprehën shqetësimin për ngërçin institucional që po e paralizon funksionimin demokratik të shtetit dhe i bënë thirrje të gjitha partive politike parlamentare që të marrin përgjegjësinë e duhur për konstituimin e institucioneve të Republikës së Kosovës, duke e cilësuar këtë si një domosdoshmëri për stabilitetin dhe funksionimin institucional të vendit.
