Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Themeluesja e Fondit për të Drejtën Humanitare në Serbi, Natasha Kandiq, ka shkaktuar një valë reagimesh të forta në skenën politike dhe mediatike serbe, pas një propozimi simbolik që u drejtoi studentëve protestues në Beograd. Ajo u kërkoi atyre që, më 28 qershor – ditën e Vidovdanit – të vendosin simbolin e “Lulkuqes së Kosovës” pranë bazës së Njësisë Speciale të Antiterrorizmit në Batajnicë, ku në vitin 2001 u zbuluan varreza masive me trupat e shqiptarëve të vrarë gjatë luftës në Kosovë. Kandiq rikujtoi se në këtë vend janë zhvarrosur trupat e mbi 700 viktimave, përfshirë edhe 75 fëmijë, të transportuar fshehurazi nga Kosova në Serbi nga strukturat shtetërore, në një përpjekje për të zhdukur gjurmët e krimeve të luftës. Reagimi i Kandiqit ka nxitur debate të ashpra në mediat proqeveritare në Beograd, të cilat kanë organizuar emisione të posaçme për ta sulmuar dhe denigruar publikisht aktivisten e njohur për të drejtat e njeriut. “Vendosja e një luleje në Batajnicë do të ishte një akt i guximshëm kujtese dhe ndërgjegjësimi për të rinjtë e Serbisë – një përballje me të vërtetën historike që vendi ka refuzuar ta pranojë”, ka thënë Kandiq më herët në rrjetet sociale.
