Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prodhimi i brendshëm i energjisë në Kosovë ka rënë ndjeshëm gjatë muajit prill, duke detyruar vendin të mbulojë nevojat përmes importeve, të cilat kanë kapur vlerën mbi 56 milionë euro. Këtë e bën të ditur eksperti i ekonomisë, Shenoll Muharremi, duke u bazuar në statistikat e Agjencisë së Statistikave të Kosovës. Sipas tij, termocentralet prodhuan rreth 321 mijë MWh, që është rreth 40% më pak se në prill të vitit të kaluar. Në të njëjtën kohë, vendi importoi mbi 377 mijë MWh, duke shënuar një rritje prej 82% në raport me një vit më parë. Me çmimin mesatar prej 150 euro për MWh, shpenzimet për import arritën mbi 56.5 milionë euro. Rreth 25.5 milionë euro të kësaj shume janë pasojë e drejtpërdrejtë e rënies së prodhimit vendor. Muharremi vlerëson se kjo situatë e rëndon ndjeshëm konsumatorin dhe ekonominë, duke rritur presionin mbi çmimet dhe stabilitetin financiar.
