Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, ka kërkuar nga kryeministri në largim, Albin Kurti, që të japë shpjegime lidhur me dyshimet për keqpërdorime në sektorin e energjisë. Ajo ka përmendur kompanitë EFT Group dhe NOA Energy Trade Sh.p.k., për të cilat ka aludime për shkelje të ligjeve dhe rregulloreve të tregut energjetik. Sipas saj, këto kompani kanë përfituar në kurriz të qytetarëve përmes manipulimeve në tregun ndërkufitar të energjisë. Bajrami theksoi se gjatë mandatit të Kurtit është rritur ndjeshëm çmimi i energjisë dhe se përgjegjësia bie mbi emërimet që ai ka bërë në ZRrE dhe KOSTT. Ajo e akuzoi Qeverinë për mosveprim dhe për tolerim të skemave që kanë dëmtuar ekonominë familjare dhe prodhuesit vendas. Ministria e Ekonomisë dhe KEK-u, sipas saj, kanë dështuar në menaxhimin e krizës. Bajrami paralajmëroi se sektori energjetik është kapur nga interesa të fuqishme private. Ajo e përshkroi situatën si alarmante dhe kërkoi transparencë të menjëhershme. Deri më tani, nga Qeveria nuk ka pasur ndonjë reagim zyrtar.
