Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
ME kërtë rast ai ka shkruar: Gjykata Themelore në Prishtinë ka marrë një vendim tronditës dhe thellësisht zhgënjyes për të gjithë ata që kanë besuar se drejtësia vonon, por nuk harron. Gavrilo Milosavleviq, i njohur nga të burgosurit shqiptarë si “Gagi”, ish-gardian në burgun famëkeq të Dubravës, është shpallur i pafajshëm për veprën penale “krime lufte kundër popullsisë civile”. Ai është një goditje e rëndë ndaj viktimave të masakrës së Dubravës, ku më 22 dhe 23 maj 1999 u vranë mizorisht 109 të burgosur shqiptarë dhe dhjetëra të tjerë u plagosën apo u torturuan. Unë jam njëri prej të mbijetuarve të atij ferri. E kam parë me sytë e mi, e kam përjetuar me trupin tim. Në pavijonet “B” dhe “C” të atij burgu, dhuna ishte e përditshme, brutale dhe e qëllimshme. Prokuroria Speciale ka ngritur aktakuzë të qartë dhe të argumentuar, përfshirë pjesëmarrjen e Milosavleviqit në trajtim çnjerëzor, rrahje sistematike dhe dijeni për zhdukjen e intelektualit dhe patriotit të shquar, Ukshin Hoti – një nga figurat më të ndritura të rezistencës kombëtare. Nëse Gavrilo Milosavleviq nuk është fajtor, atëherë kush i vrau 109 të burgosurit shqiptarë? Kush i masakroi në fushën e sportit dhe në puseta? Kush i plagosi dhjetëra të tjerë dhe kush i mbajti nën tortura e frikë për muaj të tërë? Ky nuk është vetëm një vendim gjyqësor – ky është një akt i heshtur amnistimi për një regjim kriminal. Është një hap mbrapa në rrugën tonë drejt drejtësisë dhe paqes së vërtetë. Unë nuk e pranoj këtë padrejtësi. Dhe nuk do të hesht. Në emër të atyre që nuk jetojnë më për të folur, dhe në emër të të gjithë atyre që e përjetuan Dubravën – kërkoj rishikim, përgjegjësi dhe drejtësi të plotë.
