Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Francës në Kosovë, Olivier Guerot, ka deklaruar se themelimi i Asociacionit të komunave me shumicë serbe është çelësi për avancimin e Kosovës drejt anëtarësimit në NATO dhe Bashkimin Evropian. Në një intervistë për RTK, ai theksoi se Asociacioni është një zotim i Kosovës që nga viti 2013 dhe është rikonfirmuar në marrëveshjen e Ohrit. Guerot tha se është koha që ky obligim të trajtohet me seriozitet, duke shtuar se propozimi i fundit i BE-së për statutin e Asociacionit është hartuar në përputhje me Kushtetutën e Kosovës dhe duhet t’i nënshtrohet shqyrtimit të Gjykatës Kushtetuese. “Nuk mund të shtiremi se ky fakt nuk ekziston. Asociacioni është ‘elefanti në dhomë’ dhe rruga drejt NATO-s dhe BE-së kalon përmes tij,” u shpreh ambasadori francez.
