Me rastin e ndarjes nga jeta të mësueses Sofe Rizaj, Komuna e Deçanit organizon mbledhje komemorative në nderim të jetës dhe veprës së saj arsimore dhe njerëzore.
Mbledhja komemorative do të mbahet të shtunën, më 21 qershor, në orën 15:00, në sallën e Kuvendit Komunal të Deçanit.
Ceremonia e varrimit të të ndjerës do të bëhet të njëjtën ditë, në orën 17:00, në varrezat e fshatit Prokolluk.
I përjetshëm qoftë kujtimi dhe nderimi për mësuesen Sofe Rizaj.
Kryetari i komunës së Deçanit, z. Bashkim Ramosaj me dhimbje të thellë ka marr lajmin për ndarjen nga jeta të mësueses së nderuar Sofe Rizaj.
“Një grua e dijes dhe përkushtimit, që me zemër të madhe dhe përkushtim të palodhur edukoi shumë gjenerata, duke lënë gjurmë të pashlyeshme në arsim dhe në jetët e nxënësve të saj.
Mësuese Sofja ishte shembulli më i mirë i dashurisë për profesionin fisnik të mësuesit. Sot, ajo pushon në paqe, por kujtimi i saj do të mbetet gjithmonë i gjallë në kujtesën tonë.
Ngushëllimet më të sinqerta familjes Rizaj, të afërmve, kolegëve dhe të gjithë atyre që patën fatin ta njohin e ta vlerësojnë” thuhet në postimin e kryetarit të Deçanit, z. Bashkim Ramosaj.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
