U mbajt mbledhja e Këshillit Komunal për Siguri në Bashkësi

24/06/2025 Institucionet

Në sallën e konferencës të Kompleksit Muzeor “Ukshin Hoti”- në Krushë të Madhe u mbajt mbledhja e tretë e rregullt, e Këshillit Komunal për Siguri në Bashkësi (KKSK).

Kryetari i komunës së Rahovecit, njëherit edhe kryesuesi i mbledhjes, z. Smajl Latifi, duke i përshëndetur të gjithë të pranishmit, theksoi se situata e përgjithshme në territorin e komunës së Rahovecit në bazë të argumenteve dhe burimeve që i posedojmë është stabile, e qetë dhe pa ndonjë ndryshim të theksuar prej takimit të fundit të mbledhjes së KKSB-së.

Në përgjithësi në këtë mbledhje u shtjelluan këto çështje:

Vlerësimi i përgjithshëm i gjendjes së sigurisë në Komunën e Rahovecit

Mbrojtja e ambientit në komunën e Rahovecit

Parapërgatitja dhe vetëdijesimi i qytetarëve për mbrojtje nga zjarri gjatë sezonit veror

Diskutim për aktivitetet e organizuara nga Drejtoria për Arsim për maturantët

Trajtimi i objekteve të braktisura dhe objekteve të vjetra – jo të sigurta

 Siguria dhe kontrolli i shpeshtë në trafik

Niveli i sigurisë në shkolla

Parandalimi i dhunës në familje

Përpjekja intenzive për ushqim më cilësor me siguri me të lartë – siguria dhe kontrolli i produkteve ushqimore.

Komandanti i Stacionit Policor – Rahovec, z. Fazli Morina, si zakonisht raportoi rreth situatës së sigurisë në territorin e komunës së Rahovecit, me statistika si në vijim:

110 vepra penale, prej tyre 7 incidente jopenale, 12 raste vjedhje, 4 raste me para falco, 2 raste të asgjësimit të pasurisë, 5 raste armëmbajtje pa leje dhe 7 raste të dhunës në familje.

Gjatë kësaj periudhe janë arrestuar 46 persona – prej tyre 27 persona në mbajtje 48 orë.

Sa i përket sigurisë në komunikacion: Janë dhënë 1901 gjoba në komunikacion rrugor.

Prej tyre, 70 gjoba janë shqiptuar për drejtimin e automjetit pa patent shofer, 29 gjoba për përdorim të telefonit gjatë vozitjes, 180 gjoba për parkingje joadekuate dhe 16 gjoba janë shqiptuar me masë ndalim i vozitjes. Gjatë kësaj periudhe kanë ndodhur 18 aksidente me dëme materiale.

Në shkollat e komunës së Rahovecit janë realizuar 58 vizita dhe 45 pika kontrolli afër shkollave.

Në fund të mbledhjes, kryetari Latifi falënderoi të gjithë anëtarët e KKBS-së, për kontributin dhe angazhimin e tyre.

Kontrolloni gjithashtu

Fermerët nga Gllogjani, Dubrava dhe Shaptej, do t’i ujisin pronat e tyre bujqësore më lehtë

Drejtori për Bujqësi, Pylltari dhe Zhvillim Rural në komunën e Deçanit, Rifat Stojkaj ka përcjellë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara