Ambasadori Martin Berishaj intervistohet nga Prokuroria Speciale për aferën e shpëlarjes së parave

26/06/2025 Lajmet

Ambasadori i Kosovës në Kroaci, Martin Berishaj, është intervistuar nga Prokuroria Speciale lidhur me dyshimet për shpëlarje parash dhe deklarim të rrejshëm të pasurisë. Pamje të publikuara nga Tëvë1 e tregojnë atë bashkë me avokatin Tomë Gashi duke u larguar nga objekti i Prokurorisë. Berishaj ishte përmendur kohë më parë në një skandal financiar që përfshinte edhe kryetarin e Partisë së Lirisë në Slloveni, Robert Golob. Mediat sllovene raportuan se mbi gjysmë milioni euro ishin bartur në kesh nga Mali i Zi për në Slloveni, me ambasadorin Berishaj të dyshuar si transportues i këtyre parave. Hetimet po vazhdojnë.

Kontrolloni gjithashtu

Kryetari i Asociacionit të Komunave të Kosovës, Sazan Ibrahimi është cituar të ketë deklaruar se komunat e Kosovës përkundër sfidave nga niveli qendror, kanë arritur të shpenzojnë 75 për qind të mjeteve të destinuara për investime kapitale. Ai ka thënë me këtë rast se viti 2024 do të jetë një ndër vitet me sfiduese për nivelin lokal sa i përket investimeve të reja kapitale, kjo pasi Parlamenti i Kosovës nuk ka marr parasysh fare propozimet e komunave për projekte të reja kur ka votuar buxhetin për vitin 2024, që sipas tij, do të ndikonin në zhvillimin ekonomik lokal. Përkundër sfidave që janë ballafaquar komunat në vitin 2023, sa i përket shpenzimeve në investime kapitale komunat kanë rezultate të jashtëzakonshme dhe nëse i krahasojmë me investimet kapitale të shpenzuara nga niveli qendror diferenca është dyshifrore mes nivelit lokal edhe nivelit qendror. Kjo do të thotë që komunat kanë punuar mirë, gjithashtu planifikimet buxhetore i kanë hartuar me seriozitetin më të madh të mundur por edhe zbatimi i tyre përkundër sfidave që janë shkaktuar nga niveli qendror, do të thotë jo vetëm nga ministrit por edhe nga institucionet e nivelit qendror, komunat kanë arritur që të bëjnë shpenzimet të mjeteve për investime kapitale me përqindje jashtëzakonisht të mirë, ka thënë mes tjerash Sazan Ibrahimi.

Kontratat Kolektive, barrë për komunat, rrezik për zhvillimin lokal

Kontratat kolektive, të cilat synonin përmirësimin e kushteve të punës dhe mbrojtjen e të drejtave …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara