Në Deçan u organizua një takim tematik me titull: “Gratë në bujqësi dhe zhvillim ekonomik”

26/06/2025 Institucionet

Zyra për Barazi Gjinore, në kuadër të Zyrës së Kryetarit të Komunës së Deçanit, në bashkëpunim me Drejtorinë për Bujqësi dhe Zhvillim Ekonomik, organizoi një takim tematik me titull: “Gratë në bujqësi dhe zhvillim ekonomik”.

Në takim morën pjesë përfaqësues të sektorit të bujqësisë dhe bizneseve lokale. Takimin e udhëhoqi Ajne Iberhysaj, Ushtruese e Detyres të Zyrtares për Barazi Gjinore.

Nga diskutimi i pjesëmarrësve u evidentuan këto kërkesa kryesore:

Nevoja për pajisje bujqësore dhe përkrahje përmes skemave të zhvillimit rural, me fokus të veçantë në fuqizimin ekonomik të grave;

Nevoja për ofrimin e ndihmës rreth procedurave për aplikim në grante dhe subvencione për gratë në bujqësi;

Mbështetje teknike për përpilimin e aplikacioneve, me rekomandimin që Komuna të angazhojë një ekspert të trajnuar për të ndihmuar në këtë proces.

Isuf Demhasaj, Drejtor për Zhvillim Ekonomik, theksoi përkushtimin e drejtorisë për mbështetjen e bizneseve vendore, në veçanti atyre të udhëhequra nga gratë. Ai gjithashtu informoi për organizimin e Panairit Veror, ku gratë prodhuese do të kenë mundësi të prezantojnë produktet e tyre bujqësore dhe artizanale.

Syzana Krasniqi, zyrtare nga Drejtoria për Bujqësi, njoftoi për lehtësimet dhe shërbimet që ofron drejtoria për gratë fermere dhe për prodhuesit e produkteve bujqësore.

Komuna e Deçanit, përmes Zyrës për Barazi Gjinore, planifikon që në kuadër të procesit të buxhetimit të ndajë mjete të veçanta për subvencionimin e grave në bujqësi dhe ekonomi, në bashkëpunim të ngushtë me drejtoritë përkatëse.

Në përfundim të takimit, u dakordua që Zyra e Kryetarit të angazhojë një ekspert të jashtëm, i cili do të ofrojë mbështetje të drejtpërdrejtë për gratë në përgatitjen e aplikacioneve për grante dhe subvencione.

Ky aktivitet është pjesë e angazhimit të vazhdueshëm të Komunës së Deçanit për fuqizimin e gruas, zhvillimin e qëndrueshëm të bujqësisë dhe promovimin e barazisë gjinore në të gjitha fushat e jetës.

Kontrolloni gjithashtu

Vazhdojnë diskutimet me qytetarë për hartimin e buxhetit për vitin 2026

Në kuadër të përmbushjes së obligimeve ligjore dhe me qëllim të hartimit të projekt buxhetit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara