Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Marrëdhënie Shqiptaro-Amerikane me seli në Uashington ka reaguar lidhur me situatën politike në Kosovë, duke shprehur shqetësim për bllokimin e zgjatur institucional dhe pamundësinë për konstituimin e Kuvendit. Në një deklaratë publike, Këshilli thekson se kjo paralizë dëmton besimin publik dhe e lë vendin të pambrojtur në një ambient global të paqëndrueshëm. Këshilli përshëndet vendimin e Gjykatës Kushtetuese dhe vlerëson gatishmërinë e aktorëve politikë për ta pranuar atë si rrugëdalje legjitime. Ai u bën thirrje të gjitha partive parlamentare që të marrin pjesë në seancën e radhës me ndjenjë përgjegjësie dhe urgjence, për të zgjedhur Kryetarin e Kuvendit dhe për të formuar qeverinë pa vonesa të mëtejshme. Në deklaratë theksohet se mbështetja e Shteteve të Bashkuara për Kosovën mbetet thelbësore, por kjo kërkon qeverisje të qëndrueshme dhe koordinim të vazhdueshëm institucional. Në përmbyllje, Këshilli rikonfirmon përkushtimin e tij për të qenë një urë lidhëse mes Kosovës dhe SHBA-ve, dhe për të forcuar pozitën ndërkombëtare të Republikës së Kosovës.
