Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca Kosovare e Bizneseve ka ngritur shqetësime serioze për ikjen masive të kapitalit vendor jashtë vendit. Kryetari i AKB-së, Agim Shahini, ka deklaruar se vetëm në vitin 2024 rreth 600 ndërmarrje me kapital nga Kosova kanë investuar në Shqipëri, me një vlerë prej 100 milionë eurosh – një rritje prej 32 për qind krahasuar me vitin paraprak. Shahini thekson se ky trend nuk është vetëm zgjerim i interesit tregtar, por pasojë e drejtpërdrejtë e kushteve të pafavorshme për bizneset në Kosovë: mungesë përkrahjeje institucionale, pasiguri ligjore, politika diskriminuese dhe konkurrencë e padrejtë në tregun vendor. AKB kërkon urgjentisht hartimin e një Pakti Ekonomik Kombëtar dhe ndërmarrjen e reformave që do të rikthejnë besimin në ekonominë vendore. “Kapitali është gjaku i ekonomisë. Kosova nuk mund të përparojë duke e humbur gjakun e saj afarist,” tha Shahini.
